pse?!

Të më kishte folur njeri, ashtu si i kam folur vetes sot, nëse do e kisha përball do isha larguar menjëherë, nëse do isha në tel do e kisha mbyll direkt.  Do isha zhdukur në çast nga ai njeri që do më kishte folur ashtu si i fola sot vetes. Por nga vetja nuk iki dot. 
-Po, njeriu të cilin kam më shumë frik është vetja, dhe fakti që jam kaq e ashpër. 
Ç'ti bëja vetes që më sillte ato fjalë në mendje, që vazhdoj dhe kërkoj një "pse, pse, pse" më mendje, ku njëra pjesë mundohet të mbrohet, e tjetra të më përplas muri, jo nga gjykimi, nuk është gjykim por se kërkoj, se dua më shumë,  më mirë, më teper.
-Po, se kam kuptuar që ëndërrash nuk i dilet por me llogari po. Se një 4+1 nuk të le në baltë por një ëndërr me fustan të zi, jo të lë... por madje të bën keq, më bën keq.
- Është një vetkontroll,  si një aeroplan me auto-pilot që smë pyet mua fare si jam por ecën. Është ajo që, qaj ti sa të duash, pastaj dil nga dhoma dhe asnjë nuk ka ndodhur. 
-Ja, kjo është ashpërsi me vete, kjo është të nënshtrosh veten dhe asnjë justifikim nuk vlen. Nuk vlen jo përse qan, dhe pastaj bën sikur nuk ka ndodhur por bën sikur nuk kam ndjerë. Dhe një " ska gjë, do kaloj, ti je e fortë" po jo pra jo, se nuk jam e fortë. Jo pra se më dhemb, dhe nëse nuk lejoj të ndjej dhimbjen, nuk është mbrojtje e vetes por mos të hapësh zemrën. Dhe nëse zemra nuk hapet nuk zbutet. Sepse dhimbja zbut, jo loti. Loti thahet. E, sado që dhimbja dhemb, duke dhembur zbutesh, fletët hapen një nga një. 

-Pastaj sa ja vlen të lejosh veten të ndjesh dhimbje është tjetër gjë. Puna është se, unë se kam lejuar për asgjë. Dhe skam pyet për asgjë. 
-Për veten më pak, se hë se jam e fortë, hë se nuk e çaj kokën për kaq, akoma më keq kur nuk e lejoj të mendoj, dhe këto hapësira mbushen ëndërrash... dhe sa mirë bëj!
Por jo duke mos pyetur veten.

-kështu kalojnë ditët,  si 1+2 që bëjnë 3 e ecin javët. E, akoma është " po për mua pyet kush?" që vazhdimisht lëndon, e kur dua veten ta godas e pyes
 -pyeti ndokush për ty sot ?!
-jo!
-kaq, fli gjumë tani

Comments

Post a Comment

Popular posts from this blog

mbretëresha e numrave

Image
Si 6+1=5+2 që bëjnë 7-të si malli e pëhumben e lakohen rreth 6-tës në një gjysëm hënë të gënjyer me sytë e mbyll e pandalshëm rrjedhur drej 1-shit. Si është të rrëzohesh nga 4 shkallë, ndalosh njëherë e përsëri të marrësh përpara edhe 3, por edhe sikur 7 direkt,  vritesh. Se edhe 4, vrasin, edhe 3 thërrmojnë e kur mblidhen e bëjnë 7, pastaj pyes ku jam... ku jam mbledhur rreth 2-it më cepa përplasur kujtime, e ato cepa janë imazhet fytyra që vizatohen e kujtohen vazhdimisht, e ashtu si një cep të bën me gjak, një kthesë 2-i të bën të qash se janë 2-cepa që të bëhen 7-të, një i 2-shit dhe një i 5-ës aq sa jam hedhur tej si akull e ftohtë që nuk pyes për cepa por tentoj të rrotullohem në një infinit të shtrirë por gjysëm si 3-shi. Dhe duart më këputen. Kështu e kam mallin unë, kështu bëhem kur kam mall por po aq e lëndoj veten sa e mbyll në një hapësirë të vogël 4-re plot me cepa që ta vras kokën me lot e të kujtohen se 3+4 bëjnë 7, dhe 7 pa mall nuk ka por 7+0 janë pafundësi. E ajo ...
Read more

njeriut të madh

Image
Mendja është mbret i shqisave, e njëjta shije në mendje të ndryshme perceptohet ndryshe. Mendja është egoiste, mendon se është superfuqi por në të vërtetë është manipuluese.  Dhe unë, Mendja ime, më thoshte se më gënjenin. Kur, pikë së pari më gënjenin Mendja ime ku vetë mua si njeri, në bazë të gjendjes fizike më luhat shijen, nuhatjen, ndijimin. Ka një fuqi të tillë sa ta vesh situatën, jo ta zhvesh e ta shoh siç është. Mendja kërkon siguri dhe ekuilibër duke më shtyrë gjithë kohën për të gjetur balancë, që ajo të rri e qetë e mos të lodhet. E di kush kërkon siguri?! Mendja e pasigurt, ajo bën gjithçka për të ecur qetësisht në ujërat të trazuar kur rryma e merr para e ajo përpiqet të manipuloj situata duke thënë se gjithçka kalon kur të fakt asgjë nuk kalon por ndryshon mënyrën e të dukurit.  Ja dhe shqisa e të parit ra. Mendja krijon kurthe, ku të biesh e të mendosh se ajo është bota. Kurthi i dytë është emocioni. I pari?! Kur ti mendon se kjo është bota.... pra, i pari ësh...
Read more